പി.ടി.യുടെ വിലാപയാത്ര ആദരാഞ്ജലികൾ എറ്റുവാങ്ങി തൊടുപുഴയിലേക്ക്, പിന്നീട് എറണാകുളത്തേക്ക്...
ഇടുക്കി: അന്തരിച്ച തൃക്കാക്കര എംഎല്എ പി. ടി. തോമസിന് ആദരാഞ്ജലികള് അര്പ്പിച്ച് ജന്മനാടും നാട്ടുകാരും. വെല്ലൂര് ക്രിസ്ത്യന് മെഡിക്കല് കോളേജില് നിന്ന് പുലര്ച്ചയോടെ ഇടുക്കി ഉപ്പുതോടിലെ വീട്ടിലെത്തിച്ച മൃതദേഹം ഇപ്പോള് വിലാപയാത്രയായി തൊടുപുഴയിലേക്ക് കൊണ്ടുപോവുകയാണ്. ആയിരങ്ങളാണ് പ്രിയപ്പെട്ട നേതാവിന് ആദരാഞ്ജലികള് അര്പ്പിക്കാന് വീട്ടിലും വഴിയോരത്തുമായി എത്തിയത്.
ജില്ലാ കളക്ടറും ഇടുക്കി എംപി ഡീന് കുര്യാക്കോസും ചേര്ന്ന് പുലര്ച്ചെയാണ് വെല്ലൂരിലെ ആശുപത്രിയില് നിന്ന് കേരളത്തിലേക്ക് കൊണ്ടുവന്ന തോമസിന്റെ മൃതദേഹം സംസ്ഥാന അതിര്ത്തിയില് ഏറ്റുവാങ്ങിയത്.
പുലര്ച്ചെ 2.45 ഓടെ ഇടുക്കിയിൽ എത്തിച്ച മൃതദേഹം ഉപ്പുതോട്ടിലെ വീട്ടില് പൊതുദര്ശനത്തിന് വെച്ചു. പാലാ, ഇടുക്കി ബിഷപ്പുമാര് പി.ടിയുടെ വീട്ടിലെത്തി ആദരാഞ്ജലി അര്പ്പിച്ചു.
തൊടുപുഴയില് രാജീവ് ഭവനില് ആദരാഞ്ജലി അര്പ്പിക്കാന് സൗകര്യമൊരുക്കും. തുടര്ന്ന് എറണാകുളം ഡിസിസി ഓഫീസിൽ എത്തിച്ചശേഷം മൃതദേഹം എറണാകുളം ടൗണ് ഹാളിലും പൊതുദര്ശനത്തിന് വെയ്ക്കും.
വൈകീട്ട് 5.30ന് പി.ടി.തോമസിന്റെ ആഗ്രഹപ്രകാരം അദ്ദേഹത്തിന്റെ മൃതദേഹം രവിപുരം ശ്മശാനത്തില് സംസ്കരിക്കും.
ഒരു അഭിപ്രായം പോസ്റ്റ് ചെയ്യൂ