16, 17 തീയതികളില് ബാങ്ക് പണിമുടക്ക്.
ന്യൂഡല്ഹി: ഡിസംബര് 16,17 തീയതികളില് അഖിലേന്ത്യ ബാങ്ക് പണിമുടക്ക്. ഒന്പത് ബാങ്ക് യൂണിയനുകളുടെ കൂട്ടായ്മയായ യു.എഫ്.ബി.യു. ആണ് പണിമുടക്കിന് ആഹ്വാനം ചെയ്തിരിക്കുന്നത്.
രണ്ട് പൊതുമേഖലാ ബാങ്കുകളെ സ്വകാര്യവത്കരിക്കാനുള്ള ശുപാര്ശയില് പ്രതിഷേധിച്ചാണ് പണിമുടക്ക്. പണിമുടക്കിന് മുന്നോടിയായി എംപിമാര്ക്ക് നിവേദനം നല്കാനും സംസ്ഥാന ഭരണസിരാകേന്ദ്രങ്ങളില് പ്രതിഷേധം സംഘടിപ്പിക്കാനും യു.എഫ്.ബി.യു. തീരുമാനിച്ചിട്ടുണ്ട്.
ഐ.ഡി.ബി.ഐ. ബാങ്കിനെ സര്ക്കാര് സ്വകാര്യവത്കരിച്ചു. ബാങ്കിങ് നിയമ ഭേദഗതികള് പാര്ലമെന്റിന്റെ നടപ്പ് സമ്മേളനത്തില് കൊണ്ടുവരാന് പോകുന്നു എന്നതും ബാങ്ക് യൂണിയനുകള് ചൂണ്ടി കാണിക്കുന്നു. ബില്ലുകള് പാര്ലമെന്റില് അവതരിപ്പിക്കുന്ന ദിവസം പാര്ലമെന്റിന് മുന്നില് പ്രതിഷേധ പരിപാടികള് നടത്താനും യു.എഫ്.ബി.യു തീരുമാനമെടുത്തിട്ടുണ്ട്.
ഒരു അഭിപ്രായം പോസ്റ്റ് ചെയ്യൂ