ഏറ്റുമാനൂർ നഗരസഭയിൽ ഉദ്യോഗസ്ഥ ഭരണവും കെടുകാര്യസ്ഥതയും: പ്രതിഷേധവുമായി എൻ.സി.പി; നാളെ നഗരസഭ ഓഫീസ് മാർച്ച്.
കോട്ടയം: ഏറ്റുമാനൂർ നഗരസഭയിലെ ഉദ്യോഗസ്ഥ ഭരണത്തിലും കെടുകാര്യസ്ഥതയിലും അഴിമതിയിലും പ്രതിഷേധിച്ച്, എൻ.സി.പി. ഏറ്റുമാനൂർ നിയോജക മണ്ഡലം കമ്മറ്റിയുടെ നേതൃത്വത്തിൽ നഗരസഭയിലേയ്ക്കു മാർച്ച് നടത്തും. നഗരസഭ ഭരണത്തിലേറി ഒരു വർഷമായിട്ടും ഇതുവരെയും നഗര സഭയിലെ കാര്യങ്ങൾ കൃത്യമായി നടപ്പാക്കാൻ സാധിച്ചിട്ടില്ല. വികസന പദ്ധതികൾ പോലും എങ്ങും എത്തിയിട്ടില്ല. ഈ സാഹചര്യത്തിലാണ് നഗരസഭയിലേയ്ക്കു എൻ.സി.പി നേതൃത്വത്തിൽ മാർച്ച് നടത്തുന്നത്. നഗരസഭ അധികൃതരുടെ അഴിമതിയ്ക്കും കെടുകാര്യസ്ഥതയ്ക്കും എതിരെയാണ് മാർച്ച്. നാളെ രാവിലെയാണ് മാർച്ച് സംഘടിപ്പിച്ചിരിക്കുന്നതെന്ന് ജില്ലാ ജനറൽ സെക്രട്ടറി രാജേഷ് നട്ടാശേരി,
നിയോജക മണ്ഡലം പ്രസിഡന്റ് മുരളി തകടിയേൽ എന്നിവർ അറിയിച്ചു.
إرسال تعليق