സംസ്ഥാനത്ത് കൂടുതല് ലോക്ഡൗണ് ഇളവുകള്; തീരുമാനം ഇന്ന് ഉണ്ടായേക്കും.
തിരു.: സംസ്ഥാനത്ത് കൂടുതല് ലോക്ഡൗണ് ഇളവുകള് നല്കുന്ന കാര്യത്തില് ഇന്ന് തീരുമാനമുണ്ടാകും. ഉച്ചയ്ക്ക് ശേഷം മുഖ്യമന്ത്രിയുടെ അദ്ധ്യക്ഷതയില് ചേരുന്ന യോഗം രണ്ടാം ഘട്ട അണ് ലോക്ക് ഇളവുകള് തീരുമാനിക്കും. മൂന്ന് ദിവസത്തെ ടെസ്റ്റ് പോസിറ്റിവിറ്റി നിരക്ക് വിലയിരുത്തിയ ശേഷമാകും തീരുമാനം.
ഇന്നലെ ടിപിആര് പത്തില് താഴെ എത്തിയിരുന്നു. അത് ഇന്നും തുടര്ന്നാല് കൂടുതല് ഇളവുകള് പ്രഖ്യാപിച്ചേക്കും. ആരാധനാലയങ്ങള് തുറക്കുന്നത്, ഹോട്ടലുകളില് ഇരുന്ന് ഭക്ഷണം കഴിക്കാനുള്ള അനുമതി, ബാറുകളിലെ മദ്യ വിതരണം തുടങ്ങിയ ഇളവുകള് ചര്ച്ചയാകും.
കൂടുതല് സമയം കടകള് തുറന്ന് പ്രവര്ത്തിക്കുക, ജിമ്മുകളുടെ പ്രവര്ത്തനാനുമതി എന്നിവയും പരിഗണിച്ചേക്കാം.
സ്വകാര്യ ബസുകളുടെ നിലവിലെ നിയന്ത്രണങ്ങള് മാറ്റിയേക്കും. വാരാന്ത്യ ലോക്ഡൗണ് തുടരാനാണ് സാധ്യത.
ഒരു അഭിപ്രായം പോസ്റ്റ് ചെയ്യൂ