കാശ്മീരിലെ മാതാ വൈഷ്ണോ ദേവി ക്ഷേത്രത്തില് തിക്കിലും തിരക്കിലും പെട്ട് 12 പേര് മരിച്ചു.
ജമ്മു: കശ്മീരിലെ മാതാ വൈഷ്ണോ ദേവി ക്ഷേത്രത്തില് തിക്കിലും തിരക്കിലും പെട്ട് 12 പേര് മരിച്ചു. നിരവധി പേര്ക്ക് പരിക്കേറ്റതായും റിപ്പോര്ട്ടുണ്ട്. പരിക്കേറ്റവരെ ആശുപത്രിയിലേക്ക് മാറ്റിയതായും രക്ഷാപ്രവര്ത്തനം പുരോഗമിക്കുകയാണെന്നും എഡിജിപി മുകേഷ് സിങ് വാര്ത്താ ഏജന്സിയോട് പറഞ്ഞു.
ത്രികുടമലയിലെ ക്ഷേത്രത്തില് ശനിയാഴ്ച പുലര്ച്ചെ 2.45 ഓടെയാണ് സംഭവം നടന്നത്. പുതുവര്ഷത്തോട് അനുബന്ധിച്ചുള്ള പ്രത്യേക പ്രാര്ത്ഥനയ്ക്കിടെയാണ് ദുരന്തമുണ്ടായത്. പ്രവേശന പാസ്സില്ലാതെ വലിയൊരു കൂട്ടം ഭക്തര് ക്ഷേത്രഭവനില് പ്രവേശിച്ചതായി അധികൃതര് പറഞ്ഞു.
ചെറിയ വാക്കുതര്ക്കങ്ങളെ തുടര്ന്ന് പരസ്പരം ഉന്തും തള്ളുമുണ്ടായി. ഇതിനെ തുടര്ന്നുണ്ടായ തിക്കിലും തിരക്കിലുമാണ് അപകടം ഉണ്ടായതെന്ന് ജമ്മു കാശ്മീര് ഡിജിപി ദില്ബാഗ് സിങ് വ്യക്തമാക്കി. ഡല്ഹി, ഹരിയാണ, പഞ്ചാബ് എന്നിവിടങ്ങളില് നിന്നുള്ളവരും ജമ്മു കാശ്മീരില് നിന്നുള്ളവരുമാണ് മരിച്ചതെന്നാണ് പ്രാഥമിക വിവരം.
ഒരു അഭിപ്രായം പോസ്റ്റ് ചെയ്യൂ