ലൈഫ് ഭവന പദ്ധതി ; അനാഥരായ സ്ത്രീകൾക്ക് മുൻഗണന നൽകുമെന്ന് കേരള സർക്കാർ.
തിരു.: ലൈഫ് ഭവന പദ്ധതിയില് വീടുകള് നല്കുന്നതിലെ മുന്ഗണന ക്രമത്തില് മാറ്റം വരുത്തി സംസ്ഥാന സര്ക്കാര്. വിമണ് ആൻഡ് ചില്ഡ്രന് ഹോമുകളിലെ സ്ത്രീകള്ക്കും കുട്ടികള്ക്കും ആദ്യ പരിഗണന നല്കും. വനിതാ ശിശുവികസന ഡയറക്ടറുടെ ശുപാര്ശ സര്ക്കാര് അംഗീകരിച്ചു. സംസ്ഥാന സര്ക്കാരിന്റെ ലൈഫ് മിഷന് ഭവന പദ്ധതി പ്രകാരം തദ്ദേശസ്വയംഭരണ സ്ഥാപനങ്ങള് വഴി അര്ഹരായവര്ക്ക് വീടും വസ്തുവും ലഭിക്കുന്നുണ്ട്.
എന്നാല്, വിമണ് ആന്ഡ് ചില്ഡ്രന് ഹോമുകളിലെ സ്ത്രീകള്ക്കും കുട്ടികള്ക്കും പദ്ധതി വഴി പ്രയോജനം ലഭിക്കുന്നില്ലെന്നും ഇവര്ക്ക് മുന്ഗണന നല്കണമെന്നും കാണിച്ച് വനിതാ ശിശുവികസന ഡയറക്ടര് സര്ക്കാരിന് ശുപാര്ശ സമര്പ്പിച്ചിരുന്നു. ശുപാര്ശ വിശദമായി പരിശോധിച്ച ശേഷമാണ് സര്ക്കാര് തീരുമാനം. പദ്ധതി വഴി വീടുകള് നല്കുന്നതിലെ മുന്ഗണന ക്രമത്തില് ആവശ്യമായ മാറ്റങ്ങള് സര്ക്കാര് വരുത്തി. എന്നാല് അന്തേവാസികള്ക്ക് നല്കുന്ന വസ്തുവും വീണ്ടും പണയപ്പെടുത്തുകയോ വില്ക്കുകയോ ചെയ്യാന് പാടില്ലെന്ന് വ്യവസ്ഥയുണ്ട്.
ഒരു അഭിപ്രായം പോസ്റ്റ് ചെയ്യൂ