സന്നിധാനത്ത് ജീവനക്കാരുടെ കർപ്പൂരാഴി ഘോഷയാത്ര 23നും 24.നും.

സന്നിധാനത്ത്  ജീവനക്കാരുടെ കർപ്പൂരാഴി ഘോഷയാത്ര 23നും 24.നും. 

ശബരിമല: മണ്ഡലകാല ഉത്സവത്തിൻ്റെ ഭാഗമായി സന്നിധാനത്ത്  കർപ്പൂരാഴി ഘോഷയാത്ര 23നും 24നുമായി നടക്കും. 23ന് തിരുവിതാംകൂർ ദേവസ്വം ബോർഡ് ജീവനക്കാരും. 24ന് സംസ്ഥാന പൊലീസ് ജീവനക്കാരുമാണ് അയ്യപ്പ സ്വാമിയ്ക്കായി കർപ്പൂരാഴി ഒരുക്കുന്നത്. ശബരിമലയിൽ ഡൂട്ടിയിലുള്ള ജീവനക്കാർ ഘോഷയാത്രയിൽ പങ്കെടുക്കും. എല്ലാ വർഷവും മണ്ഡലപൂജക്ക് മുൻപായാണ് കർപ്പൂരാഴി നടത്തുക. വാദ്യഘോഷങ്ങളും വേഷ വിതാനങ്ങളും ഘോഷയാത്രയിൽ മാറ്റുകൂട്ടും.ഘോഷയാത്രയ്ക്കു ശേഷം സന്നിധാനത്തെ പ്രധാന സ്റ്റേജിൽ വിവിധ മേളങ്ങളുടെ കലാപ്രകടനവും ഉണ്ടാകും. 24ന് ശബരിമല ചീഫ് പൊലീസ് കോ-ഓർഡിനേറ്റർ എഡിജിപി  എസ്. ശ്രീജിത്ത് ഐ.പി.എസ് നയിക്കുന്ന ചൊലീസ് ഓർക്കസ്ട്രയുടെ ഭക്തിഗാനമേളയും നടക്കും.