ഇന്ന് വിജയദശമി ; ആയിരങ്ങൾ അറിവിന്റെ ആദ്യാക്ഷരം കുറിക്കുന്നു.

ഇന്ന് വിജയദശമി ; ആയിരങ്ങൾ അറിവിന്റെ ആദ്യാക്ഷരം കുറിക്കുന്നു. 

ഇന്ന് വിജയദശമി; സംസ്ഥാനത്തെ വിവിധ ക്ഷേത്രങ്ങളിൽ ഇന്ന് കുരുന്നുകൾ ആദ്യാക്ഷരം കുറിക്കും. ദേവീക്ഷേത്രങ്ങളിൽ വിശേഷാൽ പൂജയും മറ്റ് ചടങ്ങുകളും ഉണ്ടാകും. വിജയദശമി ദിവസമാണ് കേരളത്തിൽ കുരുന്നുകൾ ആദ്യാക്ഷരം കുറിച്ച്‌ അറിവിന്റെ ലോകത്തേക്ക് കടക്കുന്നത്. എഴുത്തിനിരുത്ത് എന്നാണ് ഇതറിയപ്പെടുന്നത്. വിദ്യാദേവതയായ സരസ്വതിക്കു മുന്നിൽ അച്ഛനോ അമ്മയോ ഗുരുവോ ഗുരുസ്ഥാനീയരായവരോ ആയവർ കുട്ടിയെ മടിയിൽ ഇരുത്തി മണലിലോ അരിയിലോ‘ഹരിഃ ശ്രീഗണപതയേ നമഃ' എന്ന് എഴുതിക്കുന്നു. സ്വർണ്ണമോതിരം കൊണ്ട് നാവിൽ‘ഹരിശ്രീ' എന്നുമെഴുതുന്നു.

      അത്യധികം ശുഭകരമായ ദിനമായതിനാൽ വിജയദശമി ദിനത്തിൽ വിദ്യാരംഭത്തിന് പ്രത്യേക മുഹൂർത്തം ആവശ്യമില്ല. കൂടാതെ അക്ഷരവിദ്യയോടൊപ്പം  ആയുധവിദ്യയ്ക്കും വിവിധ ഉപകരണങ്ങളുടെ പ്രയോഗാരംഭവും വിജയദശമിയ്ക്കാണ്. വിദ്യാരംഭത്തിന് വിജയദശമിയോളം വിശേഷമായി മറ്റൊരു ദിവസമില്ല. നവരാത്രി ആഘോഷങ്ങളുടെ അവസാന ദിവസമാണ് വിജയദശമിയായി ആഘോഷിക്കുന്നത്. കേരളത്തിലെ വിജയദശമി, ദസറ ഉത്സവമായാണ് ഉത്തരേന്ത്യയിൽ ആഘോഷിക്കുന്നത്.

   എല്ലാ വായനക്കാർക്കും പ്രാദേശിക വാർത്തകൾ ടീമിൻ്റെ ആശംസകൾ...