കണ്ണൂർ സെൻട്രൽ ജയിലിൽ കുഴിച്ചിട്ട മഴുവും ആയുധങ്ങളും മൊബൈലുകളും കണ്ടെത്തി.
കണ്ണൂർ: സെൻട്രൽ ജയിലിൽ നടത്തിയ പരിശോധനയിൽ മാരകായുധങ്ങളും മൊബൈൽ ഫോണും പവർബാങ്കും ഉൾപ്പടെയുള്ളവ കണ്ടെത്തി. കത്തി, മഴു എന്നിവ കുഴിച്ചിട്ട നിലയിലും രണ്ട് മൊബൈൽ ഫോണുകളും ആറ് ചാർജറുകളും നാല് പവർ ബാങ്കുകളും കല്ലുകൾക്കിടയിൽ ഒളിപ്പിച്ച നിലയിലുമാണ് കണ്ടെത്തിയത്.
ജയിൽ വളപ്പ് കിളച്ചു നടത്തിയ പരിശോധനയിലാണ് മഴുവും കത്തിയും കണ്ടെത്തിയത്. കുറേ ദിവസമായി സെൻട്രൽ ജയിലിൽ തടവുകാരുടെ സെല്ലിലും മറ്റും പരിശോധന നടത്തുന്നുണ്ട്.
ഇതിൻ്റെ തുടർച്ചയായി ശനിയാഴ്ച മുതൽ പരിശോധന ജയിൽ വളപ്പിലേക്ക് വ്യാപിപ്പിക്കുകയായിരുന്നു. ഫോണിൽ സിം ഉണ്ടായിരുന്നില്ല. മരംവെട്ടുകാർ ഉപയോഗിക്കുന്ന തരത്തിലുള്ള ചെറിയ മഴുവാണ് കണ്ടെടുത്തിട്ടുള്ളത്.
ജില്ല സ്പെഷ്യൽ ജയിലിലെയും സെൻട്രൽ ജയിലിലെയും അമ്പതോളം വരുന്ന ഉദ്യോഗസ്ഥർ സൂപ്രണ്ട് റോമിയോ ജോണിെൻറ നേതൃത്വത്തിലാണ് പരിശോധന നടത്തിയത്. മണ്ണിൽ കുഴിച്ചിട്ട നിലയിൽ ആയുധം കണ്ടെത്തിയ സാഹചര്യത്തിൽ ജയിൽ വളപ്പ് കിളച്ചിട്ടുള്ള പരിശോധന തുടരാനാണ് ജയിൽ അധികൃതരുടെ തീരുമാനം.
ഒരു അഭിപ്രായം പോസ്റ്റ് ചെയ്യൂ