യൂത്ത് കോണ്ഗ്രസില് 15 മണ്ഡലം പ്രസിഡന്റുമാരെ പുറത്താക്കി.
പത്തനംതിട്ട: തെരഞ്ഞെടുപ്പ് പ്രവര്ത്തനങ്ങളില് ഉള്പ്പെടെ വിട്ടു നിന്നവര്ക്കെതിരെ പത്തനംതിട്ട യൂത്ത് കോണ്ഗ്രസില് നടപടി.
നടപടിയുടെ ഭാഗമായി 15 മണ്ഡലം പ്രസിഡന്റുമാരെ പുറത്താക്കി. യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്ബില് പങ്കെടുത്ത ജില്ലാ യോഗത്തിലാണ് തീരുമാനം.
പുറത്താക്കപ്പെട്ട 15 മണ്ഡലം പ്രസിഡന്റുമാര് നിയമസഭ തെരഞ്ഞെടുപ്പ് പ്രചരണത്തില് ഒരു ഘട്ടത്തില് പോലും പ്രവര്ത്തനത്തിന് ഇറങ്ങിയില്ലെന്നാണ് വിമര്ശനം. യോഗത്തില് അസംബ്ലി യൂത്ത് കോണ്ഗ്രസ് പ്രസിഡന്റുമാരുടെ റിപ്പോര്ട്ടിന്റെ അടിസ്ഥാനത്തില് മണ്ഡലം കമ്മിറ്റികള് തിരിച്ചുള്ള ചര്ച്ചകള് നടന്നു. കൂടുതല് നടപടികള് നേരിട്ട പ്രസിഡന്റുമാര് റാന്നി, തിരുവല്ല അസംബ്ലികളുടെ കീഴിലുള്ളവരാണ്.
പത്തനംതിട്ടയിലെ മുഴുവന് സംസ്ഥാന-ജില്ലാ അസംബ്ലി ഭാരവാഹികളും മണ്ഡലം പ്രസിഡന്റുമാരും യോഗത്തില് പങ്കെടുത്തു.
ഒരു അഭിപ്രായം പോസ്റ്റ് ചെയ്യൂ