കേരളം മികച്ച വ്യവസായ സൗഹൃദ സംസ്ഥാനം: മുഖ്യമന്ത്രി
തിരു.: കിറ്റെക്സ് വിവാദത്തിൽ പരോക്ഷ പ്രതികരണവുമായി മുഖ്യമന്ത്രി പിണറായി വിജയൻ. കേരളം മികച്ച വ്യവസായ സൗഹൃദ സംസ്ഥാനമാണെന്ന് മുഖ്യമന്ത്രി പിണറായി വിജയൻ പറഞ്ഞു.
രാജ്യത്തെ മികച്ച വ്യവസായ സൗഹൃദ സംസ്ഥാനങ്ങളിലൊന്നാണ് കേരളം. വ്യവസായ സൗഹൃദ നയം എല്ഡിഎഫ് തുടരുമെന്നും അദ്ദേഹം പറഞ്ഞു. വ്യവസായങ്ങളുടെ സുസ്ഥിരമായ നിലനിൽപ്പ് സർക്കാർ ഉറപ്പാക്കുമെന്നും മുഖ്യമന്ത്രി ട്വീറ്റ് ചെയ്തു. വ്യവസായി ഹര്ഷ് ഗോയങ്കെയുടെ ട്വീറ്റിന് മറുപടിയായാണ് മുഖ്യമന്ത്രിയുടെ ട്വീറ്റ്.
കേരളത്തിലെ ഏറ്റവും വലിയ തൊഴില്ദാതാക്കള് തങ്ങളാണെന്നും സര്ക്കാരില് നിന്ന് നല്ല പിന്തുണയാണ് ലഭിക്കുന്നതെന്നുമാണ് വ്യവയായി ഹര്ഷ് ഗോയങ്ക ട്വീറ്റ് ചെയ്തത്.
കിറ്റെക്സ് ഉടമ സാബു എം. ജേക്കബ് സര്ക്കാരിനെതിരെ രംഗത്തു വന്ന സാഹചര്യത്തിലാണ് മുഖ്യമന്ത്രിയുടെ ട്വീറ്റ് എന്നതും ശ്രദ്ധേയമാണ്. തുടരെ തുടരെ പരിശോധന നടത്തി തൊഴില് വകുപ്പ് പീഡിപ്പിക്കുകയാണെന്നും താന് 3,500 കോടിയുടെ നിക്ഷേപം പിന്വലിക്കുകയാണെന്നും സാബു എം. ജേക്കബ് കഴിഞ്ഞ ദിവസം പറഞ്ഞിരുന്നു.
إرسال تعليق