തൃശൂരിൽ ക്വാറിയിൽ വൻസ്ഫോടനം; ഒരാൾ മരിച്ചു: അഞ്ച് പേർക്ക് പരിക്ക്
തൃശൂർ: വടക്കാഞ്ചേരിയിൽ ക്വാറിയിൽ വൻ സ്ഫോടനം. ഒരാൾ മരിച്ചു. തലപ്പിള്ളി മുള്ളൂർക്കര വില്ലേജിൽ ആറ്റൂർ, വാഴക്കോട് എന്ന സ്ഥലത്ത് ക്വാറിയിലാണ് സ്ഫോടനം. പാറ ഉടമയുടെ സഹോദരൻ അബ്ദുൽ നൗഷാദ് (45) ആണ് മരിച്ചത്. അഞ്ച് പേർക്ക് പരിക്കേറ്റു. ഒരാളുടെ നില ഗുരുതരം. പരിക്കേറ്റവരെ ജനറൽ ആശുപത്രിയിലും, ഒരാളെ സ്വകാര്യ ഹോസ്പിറ്റലിലും പ്രവേശിപ്പിച്ചു. പരിക്കേറ്റവരിൽ ഒരാൾ ഇതര സംസ്ഥാന തൊഴിലാളിയാണ്.
പാറ പൊട്ടിക്കാൻ ഉപയോഗിക്കുന്ന തോട്ടകൾ പൊട്ടിത്തെറിച്ചാണ് അപകടമുണ്ടായത്. ഏതാനും വീടുകൾക്ക് ഭാഗികമായ നഷ്ടം സംഭവിച്ചിട്ടുണ്ട്. സംഭവസ്ഥലത്ത് പോലീസും ഫയർഫോഴ്സും റവന്യൂ ഉദ്യോഗസ്ഥരും ക്യാമ്പ് ചെയ്യുന്നു.
ഒരു അഭിപ്രായം പോസ്റ്റ് ചെയ്യൂ