കെ. സുരേന്ദ്രന് എതിരേ കേസെടുക്കാൻ അനുമതി

സുരേന്ദ്രനെതിരെ കേസെടുക്കാൻ കോടതിയുടെ അനുമതി.

    

നിയമസഭ തിരഞ്ഞെടുപ്പിൽ സ്ഥാനർത്ഥിത്വത്തിൽ നിന്ന് പിന്മാറാൻ പണം നൽകി എന്ന വെളിപ്പെടുത്തലിൽ ബിജെപി സംസ്ഥാന അദ്ധ്യക്ഷൻ കെ. സുരേന്ദ്രനെതിരെ കേസെടുക്കാൻ കോടതിയുടെ അനുമതി.

കാസർഗോഡ് ഒന്നാം ക്ലാസ് മജിസ്ട്രറ്റ് കോടതിയാണ് കേസെടുക്കാൻ അനുമതി നൽകിയത്.

മഞ്ചേശ്വരം മണ്ഡലത്തിലെ ഇടത് സ്ഥാനാർഥി ആയിരുന്ന സിപിഎം നേതാവ് വി. വി. രമേശന്റെ ഹർജിയിൽ ആണ് കോടതി ഉത്തരവ്. മണ്ഡലത്തിൽ ബിഎസ്പി സ്ഥാനാർത്ഥിയായി നാമനിർദ്ദേശ പത്രിക നൽകിയ കെ. സുന്ദരയാണ് തനിക്ക് ബിജെപി നേതാക്കൾ കോഴ നൽകി എന്നാണ് വെളിപ്പെടുത്തിയത്.

കെ. സുരേന്ദ്രന് പുറമെ ബിജെപിയുടെ രണ്ട് പ്രാദേശിക നേതാക്കൾക്കെതിരെയും കേസെടുക്കാൻ കോടതി അനുമതി നൽകിട്ടുണ്ട്.

ഇന്ത്യൻ ശിക്ഷ നിയമത്തിലെ 171 ബി. വകുപ്പ് പ്രകാരം പോലീസിന് കേസ് എടുക്കാനാണ് നിർദ്ദേശം. കോടതി അനുമതി ബിജെപി നേതൃത്വത്തിനും തിരിച്ചടി ആകുകയാണ്.