തൊഴിലാളികൾക്ക് സഹായവുമായി പ്രവാസി മലയാളി ഫെഡറേഷൻ
കൂത്താട്ടുകുളം: കൊവിഡ് ലോക്ക് ഡൗൺ മൂലം ദുരിതത്തിലായ ലോട്ടറി തൊഴിലാളികൾക്ക് പിന്തുണയും സഹായവുമായി ലോകത്തെ ഏറ്റവും വലിയ പ്രവാസി സംഘടന. പ്രവാസി മലയാളി ഫെഡറേഷൻ (പി.എം.എഫ് ) 88 രാജ്യങ്ങളിലായി സംഘടനാ മികവോടെയും, കരുത്തോടെയും പ്രവർത്തിക്കുന്ന സംഘടനയാണ്. കൂത്താട്ടുകുളം മേഖലയിലെ ലോട്ടറി തൊഴിലാളികൾക്ക് പി.എം.എഫ്.യു.കെയുടെ ആഭിമുഖ്യത്തിൽ ഭക്ഷ്യധാന്യങ്ങളും പച്ചക്കറിയും മാസ്കും സാനിറ്റൈസറും അടങ്ങുന്ന കിറ്റുകൾ വിതരണം ചെയ്യുന്നു. ഇതോടൊപ്പം ഓൺ ലൈൻ പഠന സൗകര്യം ഒരുക്കുന്നതിൻ്റെ ഭാഗമായി വിദ്യാർത്ഥികൾക്കുള്ള സ്മാർട്ട് ഫോണുകളുടെ വിതരണവും നടത്തും. കൊവിഡ് മാനദണ്ഡങ്ങൾ പാലിച്ച് കിറ്റുകളുടെ വിതരണം ജൂലൈ രണ്ടാം തീയതി വെള്ളിയാഴ്ച്ച വൈകുന്നേരം 3 മണിക്ക് കൂത്താട്ടുകുളം വൈ.എം.സി.എ അങ്കണത്തിൽ നഗരസഭാ ചെയർപേഴ്സൺ വിജയാ ശിവൻ മുഖ്യാതിഥിയാകുന്ന യോഗത്തിൽ ഷാജു ജേക്കബ് ഉദ്ഘാടനവും, പി.എം.എഫ് ഗ്ലോബൽ കോഡിനേറ്റർ ജോസ് മാത്യു പനച്ചിക്കൽ വിതരണവും നിർവ്വഹിക്കും, തദവസരത്തിൽ പ്രവാസി മലയാളി ഫെഡറേഷൻ ഗ്ലോബൽ ചെയർമാൻ ഡോ: ജോസ് കാനാട്ട്, സ്റ്റേറ്റ് കമ്മിറ്റി കോഡിനേറ്റർ ബിജു കെ. തോമസ്, പ്രസിഡൻറ് ബേബി മാത്യു, സെക്രട്ടറി ഷിജിൻ പാലത്തിങ്കൽ, വൈസ് പ്രസിഡൻറ് ജയൻ പി. എന്നിവർ പങ്കെടുക്കും.
ഒരു അഭിപ്രായം പോസ്റ്റ് ചെയ്യൂ