✅ *അയ്യപ്പ ഭക്തസംഗമം ഇന്ന് തിരുനക്കരയിൽ*
കോട്ടയം: ശബരിമലയില് സര്ക്കാര് നടത്തിയ ആചാര ലംഘനത്തിനെതിരെ പ്രതികരിച്ചതിന്റെ പേരില് വേട്ടയാടപ്പെട്ട അയ്യപ്പഭക്തന്മാരുടെ ജില്ലാതല കുടുംബസംഗമം ഇന്ന് വൈകുന്നേരം നാലിനു തിരുനക്കര പഴയ പോലീസ് സ്റ്റേഷൻ മൈതാനത്ത് നടക്കുമെന്ന് ഹിന്ദു ഐക്യവേദി ജില്ലാ ജനറൽ സെക്രട്ടറി രാജേഷ് നട്ടാശ്ശേരി അറിയിച്ചു. ശബരിമല കര്മ്മസമിതി, ഹിന്ദു ഐക്യവേദി എന്നീ സംഘടനകളുടെ നേതൃത്വത്തിലാണ് സംഗമം നടക്കുന്നത്. സംസ്ഥാന സര്ക്കാര് ശബരിമലയിൽ നടത്തിയ ആചാരലംഘനത്തിനെതിരെ പ്രതികരിച്ചതിന്റെ പേരില് ക്രൂരപീഡനങ്ങളും ജയില്വാസവും മര്ദ്ദനമുറകളും അനുഭവിക്കേണ്ടി വന്ന ഭക്തജനസമൂഹത്തിൻ്റെ കൂട്ടായ്മയാണ് അയ്യപ്പ ഭക്തസംഗമം. തിരുനക്കരയിൽ നടക്കുന്ന അയ്യപ്പഭക്തസംഗമത്തിൽ മാർഗ്ഗദർശകമണ്ഡൽ സംസ്ഥാന ജനൽ സെക്രട്ടറി സ്വാമി സദ്സ്വരൂപാനന്ദ സരസ്വതിയും വാഴൂർ തീർത്ഥപാദാശ്രമം മഠാധിപതി സ്വാമി പ്രജ്ഞാനാനന്ദ തീർത്ഥപാദറും ചേർന്ന് ദീപം പ്രോജ്വലിപ്പിക്കും. ഹിന്ദു ഐക്യവേദി സംസ്ഥാന അദ്ധ്യക്ഷ കെ. പി. ശശികല, ശബരിമല കര്മ്മ സമിതി ജനറല് കൺവീനർ എസ്. ജെ. ആര്. കുമാര്, മള്ളിയൂർ പരമേശ്വരൻ നമ്പൂതിരി, സൂര്യകാലടി സൂര്യൻ സുബ്രഹ്മണ്യൻ ഭട്ടതിരിപ്പാട് എന്നിവര് സംഗമത്തില് പങ്കെടുക്കും.
ഒരു അഭിപ്രായം പോസ്റ്റ് ചെയ്യൂ