ക്രിസ്ത്യാനികൾക്കെതിരെ വീണ്ടും ആക്രമണം.

ക്രിസ്ത്യാനികൾക്കെതിരെ വീണ്ടും  ആക്രമണം.

കോലാർ: കർണാടകയിൽ ക്രിസ്ത്യാനികൾക്കെതിരെ വീണ്ടും തീവ്രഹിന്ദുത്വ ഗ്രൂപ്പിൻ്റെ ആക്രമണം. മതപരിവർത്തനം ആരോപിച്ച് കോലാറിൽ ക്രിസ്ത്യൻ മതഗ്രന്ഥങ്ങൾക്ക് തീയിട്ടതായി റിപ്പോർട്ടുകൾ. ആക്രമണം നടത്തിയവരെ പോലീസ് ഇതുവരെ അറസ്റ്റ് ചെയ്തിട്ടില്ല. എന്നാൽ ക്രിസ്ത്യൻ സമൂഹത്തോട് ലഘുലേഖകൾ വിതരണം ചെയ്യരുതെന്ന നിർദ്ദേശം നൽകിയിട്ടുണ്ടെന്നും അറിയുന്നു.

      വീടുവീടാന്തരം കയറിയിറങ്ങി വർഗീയ ചേരിതിരിവ് സൃഷ്ടിക്കരുതെന്ന് ക്രിസ്ത്യൻ സമൂഹത്തിന് മുന്നറിയിപ്പ് നൽകിയിട്ടുണ്ടെന്നും പുസ്തകങ്ങൾ വിതരണം ചെയ്യുകയും ക്രിസ്തുമതത്തെ കുറിച്ച് പ്രചരിപ്പിക്കുകയും ചെയ്തതിനാലാണ് മതഗ്രന്ഥങ്ങൾ കത്തിച്ചതെന്നും തീവ്രഹിന്ദുത്വ സംഘടനകൾ പറയുന്നതായും റിപ്പോർട്ടുണ്ട്. കഴിഞ്ഞ ഒരു വർഷത്തിനിടെ കർണാടകയിൽ മതന്യൂനപക്ഷങ്ങൾക്കെതിരെ നടക്കുന്ന 38ാമത്തെ ആക്രമണമാണ് കോലാറിലേത്.