കുറുവ സംഘം; ഭീതി പരത്തുന്ന വാർത്തകൾ പ്രചരിപ്പിച്ചാൽ നിയമ നടപടി: ജില്ലാ പോലീസ് മേധാവി.
കോട്ടയം: കുറുവാ സംഘത്തെക്കുറിച്ച് വ്യാജ വാർത്തകൾ പ്രചരിപ്പിക്കുന്നവർക്കെതിരെ നിയമ നടപടികൾ കൈക്കൊള്ളുമെന്ന് കോട്ടയം ജില്ലാ പോലീസ് മേധാവി ഡി. ശിൽപ ഐപിഎസ്. വ്യാജവാർത്തകൾ പ്രചരിപ്പിക്കുന്നതവസാനിപ്പിക്കണം. ആളുകളിൽ ഭീതി പരത്തുന്നത് ആശ്വാസ്യമല്ല. കോട്ടയത്ത് ചിലയിടങ്ങളിൽ മോഷണ ശ്രമങ്ങൾ നടന്നുവെന്നത് ശരിയാണ് എന്നാലിത് നടത്തിയത് കുറുവ സംഘമാണെന്ന് പോലീസിന് ഉറപ്പ് ലഭിച്ചിട്ടില്ല. നിലവിൽ കുറുവ സംഘങ്ങൾ ജയിലാണെന്ന് അന്വേഷണത്തിൽ നിന്ന് വ്യക്തമായിട്ടുണ്ടെന്നും പോലീസ് മേധാവി പറഞ്ഞു. ഒരു പാടാളുകൾ ഈ സാഹചര്യം ദുരുപയോഗം ചെയ്ത് ജനങ്ങൾക്കിടയിൽ ഭീതി പരത്തുന്നതായി പരാതിയുണ്ട്.
അഞ്ചു വർഷത്തിനു മുൻപ്
അയർക്കുന്നത് കുറുവ സംഘം മോഷണം നടത്തിയിരുന്നു. എന്നാൽ ഇപ്പോഴുണ്ടായ മോഷണ ശ്രമങ്ങൾക്ക് പിന്നിൽ ഇവരാകാം എന്നത് ഊഹം മാത്രമാണെന്നും ഡി. ശിൽപ പറഞ്ഞു.
إرسال تعليق