സ്കൂളുകൾക്ക് കോവിഡ് പ്രതിരോധ കിറ്റ്; വിതരണോദ്ഘാടനം നാളെ (ഡിസംബർ 17) മന്ത്രി വി. എൻ. വാസവൻ നിർവഹിക്കും.
കോട്ടയം: ജില്ലയിലെ സർക്കാർ, എയ്ഡഡ് സ്കൂളുകൾക്ക് ജില്ലാ പഞ്ചായത്ത് കോവിഡ് പ്രതിരോധ കിറ്റ് നൽകുന്നു. നെസ്ലേ ഇന്ത്യ ലിമിറ്റഡുമായി സഹകരിച്ചാണ് സ്കൂളുകൾക്ക് കോവിഡ് പ്രതിരോധ കിറ്റ് നൽകുന്നതെന്ന് ജില്ലാ പഞ്ചായത്ത് പ്രസിഡന്റ് നിർമ്മല ജിമ്മി പറഞ്ഞു. 21 ലക്ഷം രൂപ വിലവരുന്ന 40,000 എൻ 95 മാസ്ക്കുകൾ, 500 തെർമൽ സ്കാനറുകൾ, 500 മില്ലീലിറ്ററിന്റെ 2000 സാനിറ്റൈസർ യൂണിറ്റുകൾ, 100 പൾസ് ഓക്സോമീറ്റർ എന്നിവയാണ് വിതരണം ചെയ്യുന്നത്. വിതരണോദ്ഘാടനം നാളെ (ഡിസംബർ 17) ഉച്ചകഴിഞ്ഞ് മൂന്നിന് കോട്ടയം എം.ഡി. സെമിനാരി എച്ച്.എസ്.എസിൽ സഹകരണ-രജിസ്ട്രേഷൻ വകുപ്പു മന്ത്രി വി. എൻ. വാസവൻ നിർവഹിക്കും. തിരുവഞ്ചൂർ രാധാകൃഷ്ണൻ എം.എൽ.എ. അദ്ധ്യക്ഷത വഹിക്കും.
ഒരു അഭിപ്രായം പോസ്റ്റ് ചെയ്യൂ