ഒമിക്രോൺ: വിദേശജോലിക്കു പോകാൻ വൈകുമെന്ന വിഷമത്തിൽ യുവതി ജീവനൊടുക്കി.
കോട്ടയം: ഒമിക്രോണ് വ്യാപനം മൂലം വിമാനസര്വീസുകള് നിര്ത്തലാക്കുന്നതോടെ വിദേശ ജോലിക്കു പോകാന് വൈകുമെന്ന വിഷമത്തില് യുവതി ജീവനൊടുക്കി. വാഴൂര് ഈസ്റ്റ് ആനകുത്തിയില് നിമ്മി പ്രകാശ് (27) ആണു മരിച്ചത്. ഞായറാഴ്ച രാത്രി ഒമ്പതോടെ മണിമല വള്ളംചിറയിലെ ഭര്തൃഗൃഹത്തിലെ ബെഡ്റൂമിലാണു യുവതി തൂങ്ങിമരിച്ചത്.
കര്ണാടകയില് നഴ്സായിരുന്ന നിമ്മി സ്വീഡനില് ജോലി ശരിയായതോടെ രണ്ടുമാസം മുമ്പാണു മണിമലയിലെ വീട്ടിലെത്തിയത്. കോവിഡ് മൂലം വിദേശജോലി നഷ്ടപ്പെട്ട ഭര്ത്താവ് റോഷന് പാലായിലെ സ്വകാര്യസ്ഥാപനത്തില് ജോലി ചെയ്യുകയാണ്. രണ്ടു വര്ഷം മുമ്പായിരുന്നു വിവാഹം. കുടുംബ പ്രശ്നങ്ങളോ സാമ്പത്തിക ബുദ്ധിമുട്ടുകളോ ഇല്ലായിരുന്നെന്ന് ഇവരുമായി അടുപ്പമുള്ളവര് വ്യക്തമാക്കി.
ഒരു അഭിപ്രായം പോസ്റ്റ് ചെയ്യൂ