കോണ്ക്രീറ്റ് പാളി ശരീരത്തിലമര്ന്നു നിര്മ്മാണ തൊഴിലാളി മരിച്ചു.
വീടിന്റെ കോണ്ക്രീറ്റ് ജോലികള്ക്കിടെ തട്ട് ഇടിഞ്ഞു വീണു നിര്മ്മാണ തൊഴിലാളി മരിച്ചു. പത്തനംതിട്ട കോട്ടാങ്ങല് ചുങ്കപ്പാറ പുളിഞ്ചുവള്ളില് ഇ. എം. നജീബ്(42) ആണ് മരിച്ചത്.
പരിക്കേറ്റ ഇത് സംസ്ഥാന തൊഴിലാളികളായ രണ്ടുപേരെ ആശുപത്രിയില് പ്രവേശിപ്പിച്ചു. മാരങ്കുളം പ്ലാമൂട്ടില് ബേബി യേശുദാസിന്റെ വീട്ടില് ഇന്നലെ രാവിലെ പതിനൊന്നിനായിരുന്നു സംഭവം. മുമ്പ് കോണ്ക്രീറ്റു ചെയ്ത കാര്ഷെഡിന്റെ ബീമില് കയറി ഇരുന്നു തട്ട് ഇളക്കുന്നതിനിടെ കോണ്ക്രീറ്റ് മേല്ക്കൂര ശരീരത്തോടു ചേര്ന്ന് അമരുകയായിരുന്നു. അപകട വിവരമറിഞ്ഞു ഓടിയെത്തിയ നാട്ടുകാരുടേയും പെരുമ്പെട്ടി പൊലീസിന്റെയും നേതൃത്വത്തിലാണ് രക്ഷാപ്രവര്ത്തനം നടത്തിയത്. മണ്ണുമാന്തിയന്ത്രം എത്തിച്ചാണ് തൊഴിലാളികളെ പുറത്തെടുത്തത്. നജീബ് സംഭവ സ്ഥലത്തു വെച്ചു തന്നെ മരിച്ചു.
ഭാര്യ: സബീന. മക്കള്: മുഹമ്മദ് ഷാ (എ.ഐ.വൈ.എഫ് കോട്ടാങ്ങല് മേഖലാ സെക്രട്ടറി), മുഹമ്മദ് ഷെമീര്, മുഹമ്മദ് ഷെഹീന്. പൊതുപ്രവര്ത്തകനായ നജീബ് സി.പി.ഐ. കോട്ടാങ്ങല് ലോക്കല് കമ്മറ്റിയംഗവും പുളിഞ്ചുവള്ളില് ബ്രാഞ്ചു സെക്രട്ടറിയും എ.ഐ.വൈ.എഫ് റാന്നി മണ്ഡലം മുന് അംഗവുമായിരുന്നു.
ഒരു അഭിപ്രായം പോസ്റ്റ് ചെയ്യൂ