അതിതീവ്ര മഴ, ഇടുക്കി ജില്ലയില് നാളെ റെഡ് അലര്ട്ട്.
തിരു.: അതിതീവ്ര മഴ പെയ്യാനുള്ള സാധ്യത മുന്നിര്ത്തി ഇടുക്കി ജില്ലയില് കേന്ദ്ര കാലാവസ്ഥാ വിഭാഗം നാളെ റെഡ് അലര്ട്ട് പ്രഖ്യാപിച്ചു. ഒറ്റപ്പെട്ട ഇടങ്ങളില് അതിതീവ്രമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. കോട്ടയം, പാലക്കാട്, മലപ്പുറം ജില്ലകളില് നാളെ ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
ഇന്ന് പത്തനംതിട്ട, ഇടുക്കി ജില്ലകളില് ഓറഞ്ച് അലര്ട്ടും തിരുവനന്തപുരം, കൊല്ലം, കോട്ടയം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടും നിലനില്ക്കുന്നുണ്ട്.
04-10-2021
ഓറഞ്ച് അലര്ട്ട് -പത്തനംതിട്ട, ഇടുക്കി
യെല്ലോ അലര്ട്ട് -തിരുവനന്തപുരം, കൊല്ലം, കോട്ടയം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
05-10-2021
റെഡ് അലര്ട്ട് -ഇടുക്കി
ഓറഞ്ച് അലര്ട്ട് -കോട്ടയം, പാലക്കാട്, മലപ്പുറം
യെല്ലോ അലര്ട്ട് -തിരുവനന്തപുരം, കൊല്ലം, പത്തനംതിട്ട, തൃശ്ശൂര്, കോഴിക്കോട്, വയനാട്, കണ്ണൂര്, കാസര്കോട്
06-10-2021
യെല്ലോ അലര്ട്ട് -തിരുവനന്തപുരം, കൊല്ലം, മലപ്പുറം, വയനാട്, കോഴിക്കോട്, കണ്ണൂര്, കാസര്കോട്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അധികൃതര് അറിയിച്ചു.
إرسال تعليق