'ക്ലാസുകൾ ഷിഫ്റ്റ് അടിസ്ഥാനത്തില്, ബസുകള് അണുവിമുക്താമാക്കും'; ഒരുക്കങ്ങള് തുടങ്ങിയെന്ന് മന്ത്രി.
തിരു.: സ്ക്കൂളുകൾ തുറക്കാനുള്ള ഒരുക്കങ്ങള് തുടങ്ങിയെന്ന് വിദ്യാഭ്യാസമന്ത്രി വി. ശിവൻകുട്ടി. വിദ്യാർത്ഥികളുടെയും രക്ഷിതാക്കളുടെയും ആശങ്ക ദുരീകരിക്കുമെന്നും അദ്ധ്യാപക സംഘടനാ നേതാക്കളുമായി ചര്ച്ച നടത്തുമെന്നും മന്ത്രി പറഞ്ഞു. ഒറ്റക്കെട്ടായി മുന്നോട്ട് പോകുമെന്നും ക്ലാസുകള് ഷിഫ്റ്റ് അടിസ്ഥാനത്തില് നടക്കുമെന്നും അദ്ദേഹം കൂട്ടിച്ചേർത്തു.
എല്ലാ ക്ലാസുകളിലും മാസ്ക് നിര്ബന്ധമാക്കും. ബസ് ഉൾപ്പടെ അണുവിമുക്തമാക്കും. സമാന്തരമായി ഓൺലൈൻ ക്ലാസുകളും നടക്കും. സ്കൂള് തുറക്കുന്നത് സംബന്ധിച്ച് രണ്ട് ദിവസത്തിനകം ഉദ്യോഗസ്ഥതല ചര്ച്ച നടത്തുമെന്ന് മന്ത്രി അറിയിച്ചു. വിദ്യാഭ്യാസവകുപ്പും ആരോഗ്യവകുപ്പും സംയുക്തമായി തീരുമാനമെടുക്കുമെന്നും മന്ത്രി അറിയിച്ചു.
إرسال تعليق