അണ്ടര് 20 ലോക അത്ലറ്റിക്സ് മീറ്റ്: ഇന്ത്യക്ക് രണ്ടാം മെഡല്, നടത്തത്തില് വെള്ളി.
നെയ്റോബി: നെയ്റോബിയില് പുരോഗമിക്കുന്ന ഇരുപത് വയസിൽ താഴെയുള്ളവരുടെ ലോക അത്ലറ്റിക്സ് മീറ്റില് ഇന്ത്യക്ക് രണ്ടാം മെഡല്. 10 കി.മീ നടത്തത്തില് ഇന്ത്യയുടെ അമിത് ഖാത്രി വെള്ളി നേടി. 42:17.94 സമയമെടുത്താണ് അമിത് നടത്തം പൂര്ത്തിയാക്കിയത്.
നേരത്തെ മിക്സഡ് റിലേയില് ഇന്ത്യന് ടീം വെങ്കലം സ്വന്തമാക്കിയിരുന്നു. ഇന്ത്യന് സംഘം 3:20.60 സമയത്തില് ഫിനിഷ് ചെയ്തു. ഭരത് എസ്, സുമി, പ്രിയ മോഹന്, കപില് എന്നിവര് അടങ്ങിയ ടീമാണ് ഇന്ത്യക്കായി മത്സരിച്ചത്. ഹീറ്റ്സില് മത്സരിച്ച ടീമില് മലയാളി താരം അബ്ദുൾ റസാഖും ഉണ്ടായിരുന്നു. നൈജീരിയ സ്വര്ണവും പോളണ്ട് വെള്ളിയും നേടി.
അതേസമയം, വനിതകളുടെ 400 മീറ്റർ ഫൈനലിൽ പ്രിയാ മോഹൻ ഇന്നിറങ്ങും. ആൺകുട്ടികളുടെ 4x400 മീറ്റർ റിലേയിൽ രണ്ടാം ഹീറ്റ്സിലും ഇന്ത്യ മത്സരിക്കും.
ഒരു അഭിപ്രായം പോസ്റ്റ് ചെയ്യൂ