കേരളത്തില് നിന്നുള്ള യാത്രക്കാര്ക്ക് ആര്ടിപിസിആര് നെഗറ്റീവ് സര്ട്ടിഫിക്കറ്റ് നിർബന്ധമാക്കി കര്ണാടക.
ബംഗളുരു: കേരളമടക്കമുള്ള സംസ്ഥാനങ്ങളില് നിന്ന് സംസ്ഥാനത്ത് പ്രവേശിക്കണമെങ്കില് ആര്.ടി.പി.സി.ആര് നിര്ബന്ധമാക്കി കര്ണാടക. രണ്ട് ഡോസ് വാക്സിന് എടുത്തവരും ആര്.ടി.പി.സി.ആര് സര്ട്ടിഫിക്കറ്റ് ഹാജരാക്കണം.
വിമാനം, ബസ്, ട്രെയിന്, ടാക്സി, സ്വകാര്യ വാഹനങ്ങള് എന്നിവയില് കേരളത്തില് നിന്നും കര്ണാടകയിലേക്ക് വരുന്നവര് 72 മണിക്കൂറിനുള്ളില് എടുത്ത ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് ഹാജരാക്കണം.
നേരത്തെ കേരളത്തില് നിന്നും കര്ണാടകയിലേക്ക് വരുന്നവര്ക്കുള്ള ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് നിബന്ധനയില് ഇളവു വരുത്തിയിരുന്നു. രണ്ട് ഡോസ് വാക്സിന് സ്വീകരിച്ചവര്ക്ക് വാക്സിന് സര്ട്ടിഫിക്കറ്റ് ഹാജരാക്കി കര്ണാടകയിലെത്താമായിരുന്നു. വാക്സിന് എടുക്കാത്തവര്ക്ക് 72 മണിക്കൂറിനുള്ളില് എടുത്ത ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റും വേണമെന്നായിരുന്നു നിബന്ധന. ആ ഉത്തരവാണ് ഇപ്പോള് പുതുക്കിയിറക്കിയിരിക്കുന്നത്.
നിയമം ലംഘിക്കുന്നവര്ക്കെതിരെ ദുരന്ത നിവാരണ നിയമപ്രകാരം കേസെടുക്കുമെന്നും കർണാടക സര്ക്കാര് ഉത്തരവില് പറയുന്നു.
إرسال تعليق