ഇടുക്കി അണക്കെട്ടിലെ ജലനിരപ്പ്‌ 2370.18 അടിയായി ഉയര്‍ന്നു.

ഇടുക്കി അണക്കെട്ടിലെ ജലനിരപ്പ്‌ 2370.18 അടിയായി ഉയര്‍ന്നു.

ചെറുതോണി: കാലവര്‍ഷം കനത്തതോടെ ഇടുക്കി അണക്കെട്ടിലെ ജലനിരപ്പ്‌ 2370.18 അടിയായി ഉയര്‍ന്നു. കഴിഞ്ഞ വര്‍ഷം ഇതേദിവസം 2333.80 അടിയായിരുന്നു. കഴിഞ്ഞ വര്‍ഷത്തേതിലും 37 അടി വെള്ളം കൂടുതലുണ്ട്‌. ഇന്നലെ ഇടുക്കിയില്‍ 38.8 മില്ലീമീറ്റര്‍ മഴ പെയ്‌തു. പരമാവധി സംഭരണശേഷിയുടെ 64.18 ശതമാനം വെള്ളമാണ്‌ ഇപ്പോഴുള്ളത്‌. 

ജലനിരപ്പ്‌ 2372.58 അടിയാകുമ്പോള്‍ ബ്ലൂ അലര്‍ട്ടും 2378.58 അടിയാകുമ്പോൾ ഓറഞ്ച്‌ അലര്‍ട്ടും 2379.58 അടിയാകുമ്പോള്‍ റെഡ്‌ അലര്‍ട്ടും പ്രഖ്യാപിക്കും. 2395 അടിയായാല്‍ അണക്കെട്ട്‌ തുറന്നു വിടാനുള്ള നടപടിയാരംഭിക്കും. നിലവിലെ സ്‌ഥിതി തുടര്‍ന്നാല്‍ രണ്ടു ദിവസത്തിനുള്ളില്‍ 2372 അടിയിലെത്തും.  കെ.എസ്‌.ഇ.ബിയിലെ ഉന്നത ഉദ്യോഗസ്‌ഥര്‍ വെള്ളത്തിന്റെ അളവു പരിശോധിക്കുന്നുണ്ട്‌.