' കെ വൈ സി ( വ്യക്തിഗത വിവരം ) ഇല്ലാത്തതിനാൽ നിങ്ങളുടെ സിം കാർഡ് ഇന്ന് സസ്പെൻഡ് ആകും . ആക്ടിവേഷൻ ചെയ്യാൻ 24 മണിക്കൂറിനുള്ളിൽ ഈ കസ്റ്റമർ കെയർ നമ്ബറിൽ ( ********** ) ബന്ധപ്പെടുക'.
ഇത്തരത്തിലുള്ള സന്ദേശങ്ങൾ നിങ്ങളുടെ മൈബൈലിൽ വന്നിട്ടുണ്ടോ ?
അങ്ങനെ ഇത്തരത്തിൽ സന്ദേശം വന്നവർ ആരെങ്കിലും തന്നിരിക്കുന്ന കസ്റ്റമർ കെയർ നമ്ബറിലേക്ക് വിളിച്ചു നോക്കിയിട്ടുണ്ടോ ?
ബിഎസ്എൻഎൽ നമ്ബറുകൾ കേന്ദ്രീകരിച്ച് നടക്കുന്ന ഏറ്റവും പുതിയ തട്ടിപ്പാണിത് . ഈ മെസേജുകൾ വിശ്വസിച്ച് തിരികെ ആ നമ്പറിലേക്ക് വിളിക്കുന്നവരുടെ ബാങ്ക് അക്കൗണ്ടുകളിൽ നിന്ന് പണം തട്ടുന്നതാണ് പുതിയ രീതി .
കേരളത്തിൽ പലയിടത്തും ഇത്തരം തട്ടിപ്പ് നടന്നുകഴിഞ്ഞു .പണം നഷ്ടമായവർ ബിഎസ്എൻഎൽ കസ്റ്റമർ കെയർ സെന്ററുകളിൽ ബന്ധപ്പെടുമ്ബോഴാണ് പലരും തട്ടിപ്പാണെന്ന് മനസ്സിലാക്കുന്നത് . വിവിധ നമ്ബറുകളിൽനിന്നാണ് തട്ടിപ്പ് മെസേജ് വരുന്നത് . പല നമ്ബറുകളാണ് കസ്റ്റമർ കെയർ നമ്ബർ എന്ന നിലയിൽ നൽകുന്നത് . ഈ നമ്ബറിൽ വിളിക്കുമ്ബോൾ ഹിന്ദി കലർന്ന ഇംഗ്ലിഷിൽ ആകും സംസാരം .
തട്ടിപ്പിന്റെ രീതി ഇങ്ങനെ
മൊബൈൽ നമ്ബറിലേക്ക് സിം കാർഡ് ബ്ലോക്ക് ആകും . വ്യക്തിഗത വിവരങ്ങൾ നൽകണമെന്ന സന്ദേശം എത്തുന്നു . ഇതിൽ ഒരു കസ്റ്റമർ കെയർ നമ്ബർ ഉണ്ടാകും . ഈ നമ്പറിൽ വിളിച്ചാൽ നിങ്ങളുടെ മൊബൈൽ നമ്ബർ ഇപ്പോൾ ഡീ ആക്ടിവേറ്റ് ആകുമെന്നും ആധാർ അടക്കമുള്ള വിവരങ്ങൾ നൽകണമെന്നും ആവശ്യപ്പെടും .
നേരിൽ വരേണ്ടതില്ലെന്നും ഒരു ലിങ്ക് അയക്കാം അതിൽ വ്യക്തിഗത വിവരങ്ങൾ നൽകിയാൽ മതിയെന്നും അറിയിപ്പ് എത്തും. ലിങ്കിൽ ക്ലിക്ക് ചെയ്താൽ നിങ്ങളുടെ ഫോണിൽ ഇൻസ്റ്റാൾ ആകുന്നതു ഫോൺ മറ്റ് സ്ഥലങ്ങളിൽ നിന്നു നിയന്ത്രിക്കാൻ സാധിക്കുന്ന റിമോട്ട് ആപ്ലിക്കേഷനുകൾ ആകും . ഇതിന്റെ ആക്സസ് നൽകുന്നതു വഴി മൊബൈൽ ഫോണിലെ ആക്ടിവിറ്റികൾ തട്ടിപ്പുകാർക്ക് തൽസമയം കാണാൻ സാധിക്കും.
അടുത്തതായി 10 രൂപയ്ക്ക് ബിഎസ്എൻഎൽ നമ്ബർ റീചാർജ് ചെയ്യാൻ ആവശ്യപ്പെടും .
ഇങ്ങനെ റീചാർജ് ചെയ്യുമ്ബോൾ റിമോട്ട് ആക്സസ് ആപ്പ് വഴി കാർഡ് നമ്ബർ , ഒടിപി തുടങ്ങിയ വിവരങ്ങൾ ശേഖരിച്ച് ബാങ്കിൽനിന്ന് തുക തട്ടിയെടുക്കും . ഫോണിന്റെ പ്ലാൻ അവസാനിക്കും എന്നു പറഞ്ഞും ഇതേ രീതിയിൽ തട്ടിപ്പ് നടക്കുന്നുണ്ട് . തട്ടിപ്പിന് ഇരയാകാതെ ശ്രദ്ധിക്കണം ബിഎസ്എൻഎൽ ഒരു കാരണവശാലും വ്യക്തിഗത വിവരങ്ങൾ ഫോൺ വഴിയോ എസ്എംഎസ് വഴിയോ ആപ്പുകൾ വഴിയോ അന്വേഷിക്കില്ല . ആധാർ അടക്കമുള്ള വ്യക്തിഗത വിവരങ്ങൾ നൽകിയാണ് ഇപ്പോൾ നമ്മൾ സിം കാർഡ് എടുക്കുന്നത് . അതിനാൽ വീണ്ടും വേരിഫിക്കേഷന്റെ ആവശ്യമില്ല . വരുന്ന മെസേജുകൾ എല്ലാം ശരിയാകണമെന്നില്ല . വ്യക്തമായി വായിച്ച് മനസ്സിലാക്കുക .
വ്യക്തിഗത വിവരങ്ങൾ ഫോൺ വഴി പങ്കുവയ്ക്കരുത് . മറ്റുള്ളവരുടെ നിർദേശം അനുസരിച്ച് ഒരു ആപ്പുകളും ഫോണിൽ ഇൻസ്റ്റാൾ ചെയ്യരുത് . റിമോട്ട് ആപ്പുകൾ വല്ലതും ഫോണിൽ പ്രവർത്തിക്കുന്നുണ്ടോ എന്ന് ഇടയ്ക്ക് പരിശോധിക്കുക സിം വാലിഡിറ്റി മനസ്സിലാക്കാൻ * 123 # എന്നു ടൈപ്പ് ചെയ്ത് ഡയൽ ചെയ്യുക . അപ്പോൾ നിങ്ങളുടെ പ്രീപെയ്ഡ് സിമ്മിലെ ബാലൻസ് എന്ന് സിം കാലാവധി തീരും സിം ആക്ടീവ് ആണോ തുടങ്ങിയ കാര്യങ്ങൾ അറിയാൻ സാധിക്കും . ട്വിറ്റർ പോലുള്ള സമൂഹ മാധ്യമങ്ങൾ വഴി മൊബൈൽ നമ്ബറുമായി ബന്ധപ്പെട്ട പ്രശ്നങ്ങൾ ഓപറേറ്ററുമായി പങ്കു വയ്ക്കുമ്ബോൾ അവർക്ക് നമ്ബർ മെസേജ് ആയി ( ഡയറക്ട് മെസേജ് ) നൽകുക . പൊതു ഇടത്തിൽ നമ്ബർ പങ്കുവയ്ക്കരുത് . ഇത് തട്ടിപ്പുകാർക്ക് നമ്ബർ മനസ്സിലാക്കാൻ സഹായിക്കുകയും പ്രശ്നം തീർക്കാൻ എന്ന പേരിൽ വിളിക്കാൻ സഹായമാകുകയും ചെയ്യും . 1503 ആണ് ബിഎസ്എൻഎല്ലിന്റെ ഔദ്യോഗിക കസ്റ്റമർ കെയർ നമ്ബർ . ഫോൺ ഓൺലൈനായി റീചാർജ് ചെയ്യുമ്ബോൾ portal.bsnl.co.in എന്ന സൈറ്റ് മാത്രം ഉപയോഗിക്കുക .
ഒരു അഭിപ്രായം പോസ്റ്റ് ചെയ്യൂ