തിരുവനന്തപുരം∙ 45 വയസിന് മുകളില് പ്രായമായ കിടപ്പ് രോഗികളുടെ വാക്സിനേഷനുള്ള മാര്ഗനിര്ദേശം ആരോഗ്യ വകുപ്പ് പുറപ്പെടുവിച്ചതായി മന്ത്രി വീണാ ജോര്ജ് അറിയിച്ചു. കിടപ്പ് രോഗികള്ക്ക് കോവിഡില്നിന്നും സംരക്ഷണം ഉറപ്പുവരുത്താനുള്ള സര്ക്കാരിന്റെ തീരുമാനത്തിന്റെ ഭാഗമായാണ് വീടുകളില് പോയി അവര്ക്ക് വാക്സീന് നല്കാനുള്ള നീക്കം.
"ലോകത്ത് ആദ്യമായി ചൈനയില് H10N3 വൈറസ് ബാധ മനുഷ്യരില് സ്ഥിരീകരിച്ചു" - Read More
ഇവരുടെ വാക്സിനേഷന് പ്രക്രിയ ഏകീകൃതമാക്കാനാണ് മാര്ഗനിര്ദേശം പുറപ്പെടുവിച്ചത്. 45 വയസിനു താഴെ പ്രായമുള്ള കിടപ്പ് രോഗികളെ വാക്സിനേഷന്റെ മുന്ഗണനാപട്ടികയില് നേരത്തേ ഉള്പ്പെടുത്തിയിരുന്നു. അവര്ക്കും ഇതേ മാര്ഗനിര്ദേശമനുസരിച്ച് വാക്സീന് നല്കുന്നതാണെന്നും മന്ത്രി വ്യക്തമാക്കി.
ഓരോ ആരോഗ്യ സ്ഥാപനത്തിലും റജിസ്റ്റര് ചെയ്തിട്ടുള്ള 45 വയസിന് മുകളില് പ്രായമുള്ള എല്ലാ കിടപ്പ് രോഗികളുടേയും ഒരു പട്ടിക തയാറാക്കുകയും അവര് വാക്സിനേഷന് തയാറാണോയെന്നു കണ്ടെത്തുകയും വേണം. ഓരോ രോഗിയില്നിന്നും വാകിസ്നേഷനായി സമ്മതം വാങ്ങണം. ദൈനംദിന ഗൃഹ പരിചരണ പരിപാടിയില് ഉള്പ്പെടുത്തി ഇവരുടെ പങ്കാളിത്തം ഉറപ്പാക്കണം.
തദ്ദേശ സ്വയംഭരണ സ്ഥാപനങ്ങള്ക്ക് ആവശ്യമെങ്കില് സന്നദ്ധ സംഘടനകളുടെ (എന്ജിഒഎസ്/സിബിഒഎസ്) പങ്കാളിത്തം ഉറപ്പാക്കാം. എഫ്എച്ച്സി, പിഎച്ച്സി ഉദ്യോഗസ്ഥര്ക്ക് സിഎച്ച്സി, താലൂക്ക് ആശുപത്രികളിലെ ഉദ്യോഗസ്ഥരുടെ സഹായവും തേടാം. സര്ക്കാര് അംഗീകൃത നഴ്സിങ് യോഗ്യതയും റജിസ്ട്രേഷനുമില്ലാത്ത ജീവനക്കാര് വാക്സീന് നല്കാന് പാടില്ല. എങ്കിലും ഒരു കമ്മ്യൂണിറ്റി നഴ്സിന്റെ നേതൃത്വത്തില് വാക്സിനേഷന് പ്രവര്ത്തനങ്ങള് ആസൂത്രണം ചെയ്യാവുന്നതാണെന്നും മന്ത്രി അറിയിച്ചു.
إرسال تعليق