ഭക്ഷ്യവകുപ്പിനെപ്പറ്റി അഭിപ്രായങ്ങളും നിർദ്ദേശങ്ങളും മന്ത്രിയെ അറിയിക്കാം
Toll Free Number 1967
Call Minister 8943873068
Website: pg.civilsupplieskerala.gov.in
Mail ID: min.food@kerala.gov.in
തിരു.: പൊതുവിതരണ സംവിധാനത്തിന്റെ പ്രവർത്തനങ്ങൾ ജനങ്ങളുമായി നേരിട്ട് സംവദിച്ച് ഭക്ഷ്യ - പൊതുവിതരണമന്ത്രി അഡ്വ. ജി. ആർ. അനിൽ വിലയിരുത്തുന്നു. ലോക്ക് ഡൗൺ സാഹചര്യത്തിൽ ടെലിഫോണിലൂടെയും ഓൺ ലൈനായുമാണ് മന്ത്രി ആശയവിനിമയം നടത്തുന്നത്. ഇന്നു മുതൽ വെള്ളിയാഴ്ച (മെയ് 28) വരെ ഉച്ചയ്ക്ക് രണ്ടുമണി മുതൽ മൂന്നുമണി വരെ മന്ത്രി വെർച്വൽ സംവാദം നടത്തുന്നു. ചൊവ്വ, ബുധൻ ദിവസങ്ങളിൽ ഫോണിലൂടെ മന്ത്രിയുമായി ആശയവിനിമയം നടത്താം. 8943873068 എന്ന ഫോൺ നമ്പരിലേക്കാണ് വിളിക്കേണ്ടത്.
വിശദമായി കാര്യങ്ങൾ അവതരിപ്പിക്കാനുള്ളവർക്ക് വ്യാഴം, വെള്ളി ദിവസങ്ങളിൽ സൂം പ്ളാറ്റ്ഫോം വഴി സംവദിക്കാം. ഇതിന്റെ ലിങ്ക് ഭക്ഷ്യ - പൊതുവിതരണ വകുപ്പ്, പി.ആർ.ഡി വെബ് സൈറ്റുകൾ വഴി ലഭ്യമാക്കും. ഭക്ഷ്യ വകുപ്പിന്റെ പ്രവർത്തനം കൂടുതൽ മെച്ചപ്പെടുത്തുന്നതിനുള്ള നിർദ്ദേശങ്ങളും നിലവിലെ പോരായ്മകളും പരാതികളും ഈ മാർഗ്ഗങ്ങളിലൂടെ നേരിട്ടറിയിക്കാം
ഇതിനു പുറമേ, പൊതുജനങ്ങൾക്ക് പരാതി അറിയിക്കാൻ 1967 എന്ന ടോൾ ഫ്രീ നമ്പരും pg.civilsupplieskerala.gov.in എന്ന പോർട്ടലും ഇപ്പോൾത്തന്നെ നിലവിലുണ്ട്. min.food@kerala.gov.in എന്ന ഇ-മെയിൽ വിലാസത്തിലും അഭിപ്രായങ്ങളും നിർദ്ദേശങ്ങളും പരാതികളും രേഖാമൂലം അറിയിക്കാം.
ഒരു അഭിപ്രായം പോസ്റ്റ് ചെയ്യൂ