യുഡിഎഫിനുണ്ടായ കനത്ത തോല്വിക്ക് കാരണം കൂടെയുള്ളവരുടെ കാലുവാരലാണെന്ന് രമേശ്.
തിരു.: നിയമസഭാ തിരഞ്ഞെടുപ്പില് യുഡിഎഫിനുണ്ടായ കനത്ത തോല്വിക്ക് കാരണം കൂടെയുള്ളവരുടെ കാലുവാരലാണെന്ന് മുന് പ്രതിപക്ഷ നേതാവ് രമേശ് ചെന്നിത്തല.
ഖദറിട്ട് നടന്നാല് പോര, യുഡിഎഫിന് വോട്ടു കൂടി ചെയ്യണം. പ്രവര്ത്തകര് ആത്മാര്ത്ഥതയും സത്യസന്ധതയും പുലര്ത്തണമെന്നും പാര്ട്ടി പരിപാടിയില് പ്രസംഗിക്കവേ, ചെന്നിത്തല പറഞ്ഞു. കെപിസിസി യുടെ ഭാഗമായുള്ള വിവിധ പദവികള് താന് രാജിവച്ചത് സംഘടനാ പ്രശ്നം കൊണ്ടല്ല. കെപിസിസി അദ്ധ്യക്ഷ സ്ഥാനം ഒഴിഞ്ഞപ്പോള് തന്നെ അതോടൊപ്പം വഹിച്ചു പോന്ന പദവികളും താന് രാജിവെക്കാന് തീരുമാനിച്ചിരുന്നു. മൂന്ന് മാസം മുന്പ് തന്നെ ഈ പദവികളില് നിന്നുള്ള രാജിക്കത്ത് താന് നല്കിയതാണ്.
ജയ്ഹിന്ദ് കൃത്യമായി ഓഡിറ്റ് നടക്കുന്ന സ്ഥാപനമാണ്. കെ. സുധാകരനെതിരെ വിജിലന്സ് അന്വേഷണം നടത്താനുള്ള ശിപാര്ശ രാഷ്ട്രീയ പ്രേരിതമാണ്. പിണറായി ഓലപാമ്പ് കാട്ടി പേടിപ്പിക്കേണ്ട. യുഡിഎഫിനും കോണ്ഗ്രസിനും എതിരെ മുസ്ലീംലീഗ് പ്രവര്ത്തക സമിതിയിലുണ്ടായ വിമര്ശനങ്ങള് സദുദ്ദേശപരമണ്. യുഡിഎഫിന്റെ തിരിച്ചുവരവ് ആഗ്രഹിക്കുന്നത് കൊണ്ടാണ് അത്തരം വിമര്ശനങ്ങൾ ഉണ്ടാവുന്നതെന്നും ചെന്നിത്തല പറഞ്ഞു.
പുരാവസ്തു തട്ടിപ്പുകാരന് മോന്സന് മാവുങ്കലിന് ചെന്നിത്തലയുമായി ബിസിനസ് ബന്ധങ്ങളുണ്ടെന്ന ആരോപണത്തിന് ചാനലില് ആരെങ്കിലും എന്തെങ്കിലും പറയുന്നതിനോട് പ്രതികരിക്കാന് ഇല്ലെന്നായിരുന്നു ചെന്നിത്തലയുടെ പ്രതികരണം.
إرسال تعليق