ഇന്ന് ഗാന്ധിജയന്തി; മഹാത്മാ സ്മൃതികളില് ലോകം.
ന്യൂഡൽഹി: ഇന്ന് ഗാന്ധി ജയന്തി. ഭാരതത്തെ സ്വാതന്ത്ര്യത്തിലേക്ക് നയിച്ച മഹാത്മാ ഗാന്ധിയുടെ 152-ാം ജന്മവാര്ഷികത്തില് രാജ്ഘട്ടിലെ ഗാന്ധിജിയുടെ സമാധി സ്ഥലത്ത് രാഷ്ട്രപതിയും പ്രധാനമന്ത്രിയും അടക്കമുള്ളവര് പുഷ്പാര്ച്ചന നടത്തി. ഗാന്ധി ജയന്തി ദിനാചരണത്തിന്റെ ഭാഗമായി രാവിലെ ലോകത്തിൻ്റെ വിവിധ ഭാഗങ്ങളിൽ സർവ്വമത പ്രാര്ത്ഥനയും നടന്നു. കേന്ദ്ര, സംസ്ഥാന സര്ക്കാറുകളും ഗാന്ധി ജയന്തി ആഘോഷങ്ങൾ നടത്തി വരുന്നു.
ഗുജറാത്തിലെ പോര്ബന്തറില് 1869 ഒക്ടോബര് രണ്ടിന്, കരംചന്ദ് ഗാന്ധിയുടേയും പുതലീ ഭായിയുടേയും മകനായാണ് ഗാന്ധി ജനിക്കുന്നത്. ബ്രിട്ടനില് നിന്ന് നിയമത്തില് ഉപരിപഠനം പൂര്ത്തിയാക്കിയ ശേഷം ദക്ഷിണാഫ്രിക്കയില് അഭിഭാഷകനായും സാമൂഹ്യപ്രവര്ത്തകനായും സേവനമനുഷ്ഠിച്ചു. പിന്നീട് ഭാരതത്തില് തിരിച്ചെത്തി സ്വാതന്ത്ര്യ സമരത്തിന് പുതിയ രൂപവും ഭാവവും നല്കി. നിസഹകരണ പ്രസ്ഥാനം, ക്വിറ്റ് ഇന്ത്യ മൂവ്മെന്റ് തുടങ്ങിയ ചരിത്ര പ്രസിദ്ധമായ സമരങ്ങളിലൂടെ രാജ്യത്തെ സ്വാതന്ത്ര്യത്തിലേക്ക് നയിച്ചു. 1931ലെ ദണ്ഡിയാത്ര, സ്വാതന്ത്ര്യ സമരത്തിലെ അവിസ്മരണീയ സംഭവമായി.
അഹിംസയിലൂന്നിയ, സഹനസമരമായിരുന്നു അദ്ദേഹത്തിൻ്റെ രീതി. ഇന്ത്യന് സ്വാതന്ത്ര്യ സമരത്തിന്റെ മുഖമായ ഗാന്ധിയെ രാഷ്ട്രപിതാവ് എന്ന് വിശേഷിപ്പിക്കുന്നു. 2007 മുതല് ഐക്യരാഷ്ട്ര സഭ നോണ് വയലന്സ് ഡേ ആയി ഒക്ടോബര് രണ്ട് ആചരിക്കുന്നു. 1947 ഓഗസ്റ്റ് 15ന് സ്വാതന്ത്ര്യം നേടി അഞ്ച് മാസത്തിന് ശേഷം 1948 ജനുവരി 30നാണ് നാഥുറാം വിനായക് ഗോഡ്സെയുടെ വെടിയേറ്റ് ഗാന്ധി അന്തരിക്കുന്നത്.
ഗാന്ധിജിയുടെ ഓർമ്മകൾക്ക് മുന്നിൽ പ്രാദേശിക വാർത്തകൾ ടീമിൻ്റെ പ്രണാമം.
ഒരു അഭിപ്രായം പോസ്റ്റ് ചെയ്യൂ