7 രാജ്യസഭ സീറ്റുകളിലേക്ക് ഒക്ടോബര് 4 ന് തെരഞ്ഞെടുപ്പ്.
ന്യൂഡല്ഹി: രാജ്യസഭയില് ഒഴിഞ്ഞുകിടക്കുന്ന 7 സീറ്റുകളിലേക്കുള്ള തെരഞ്ഞെടുപ്പ് ഒക്ടോബര് നാലിന് നടക്കും. തമിഴ്നാട്ടിലെ രണ്ടു സീറ്റ്, മധ്യപ്രദേശ്, പുതുച്ചേരി, പശ്ചിമബംഗാള്, അസം, തമിഴ്നാട്, മഹാരാഷ്ട്ര എന്നീ സംസ്ഥാനങ്ങളിലെ ഓരോ സീറ്റുകളിലേക്കുമാണ് തെരഞ്ഞെടുപ്പ് നടക്കുകയെന്ന് തെരെഞ്ഞെടുപ്പ് കമ്മീഷന് അറിയിച്ചു.
പശ്ചിമബംഗാള്, അസം, തമിഴ്നാട്, മധ്യപ്രദേശ് എന്നിവിടങ്ങളില് നിന്നുള്ള അംഗങ്ങള് രാജി വെച്ചതോടെയാണ് അഞ്ചു സീറ്റുകള് ഒഴിവായത് . മഹാരാഷ്ട്രയില് നിന്നുള്ള രാജീവ് ശങ്കര്റാവു സതാവിന്റെ മരണത്തോടെയാണ് ഒരു സീറ്റ് ഒഴിവായത്. എന്. ഗോപാലകൃഷ്ണന്റെ രാജ്യസഭാ കാലാവധി ഒക്ടോബര് ആറിന് അവസാനിക്കുന്നതോടെയാണ് പുതുച്ചേരിയില് തെരഞ്ഞെടുപ്പ്. ബിഹാര് ലെജിസ്ലേറ്റിവ് കൗണ്സലില് ഒഴിഞ്ഞു കിടക്കുന്ന ഒരു സീറ്റിലേക്കും അന്നു തന്നെ തെരഞ്ഞെടുപ്പ് നടക്കും. തുടര്ന്ന് ഒക്ടോബര് നാലിന് വൈകിട്ട് ഫലം പ്രഖ്യാപിക്കും.
إرسال تعليق