സെറോ ടൈപ്പ് 2 ഡെങ്കി; സംസ്ഥാനങ്ങൾക്ക് ജാഗ്രത മുന്നറിയിപ്പുമായി കേന്ദ്രം.
ന്യൂ ഡൽഹി: ഡെങ്കിപ്പനി പടരുന്ന സാഹചര്യത്തില് സംസ്ഥാനങ്ങൾക്ക് മുന്നറിയിപ്പുമായി കേന്ദ്ര സര്ക്കാര്. സെറോ ടൈപ്പ് 2 ഡെങ്കി കേസുകള് രാജ്യത്ത് വര്ദ്ധിക്കുകയാണെന്നും സംസ്ഥാനങ്ങള് ആവശ്യമായ മുന്കരുതലുകള് എടുക്കണമെന്നുമാണ് കേന്ദ്രത്തിന്റെ മുന്നറിയിപ്പ്.
കേരളം അടക്കമുള്ള 11 സംസ്ഥാനങ്ങള്ക്കാണ് മുന്നറിയിപ്പ് നല്കിയിരിക്കുന്നത്. എല്ലാവരും ജാഗ്രത പാലിക്കണമെന്നും കേന്ദ്രം ആവശ്യപ്പെട്ടു. മറ്റുള്ള രോഗങ്ങളേക്കാള് ഏറ്റവും അപകടകാരികളാണ് സെറോ ടൈപ്പ് 2 ഡെങ്കി കേസുകളെന്നാണ് ആരോഗ്യ സെക്രട്ടറി രാജേഷ് ഭൂഷണ് അറിയിച്ചു.
കേരളത്തിന് പുറമെ ആന്ധ്രപ്രദേശ്, ഗുജറാത്ത്, കര്ണാടക, മധ്യപ്രദേശ്, ഉത്തര്പ്രദേശ്, മഹാരാഷ്ട്ര, ഒഡിഷ, രാജസ്ഥാന്, തമിഴ്നാട്, തെലങ്കാന എന്നീ സംസ്ഥാനങ്ങളിലാണ് സെറോ ടൈപ്പ് 2 ഡെങ്കി റിപ്പോര്ട്ട് ചെയ്തിരിക്കുന്നത്.
അതേസമയം, ഈ പ്രതിസന്ധി മറികടക്കാന് സംസ്ഥാനങ്ങള് നേരത്തെ തന്നെ മുന്നൊരുക്കങ്ങള് നടത്തണമെന്നും പനി സംബന്ധിച്ച ഹെല്പ് ഡെസ്കുകള് ആരംഭിക്കണമെന്നും ടെസ്റ്റ് ചെയ്യാനുള്ള കിറ്റുകള് സ്റ്റോക്ക് ചെയ്ത് വെക്കണമെന്നും കേന്ദ്രം അറിയിച്ചു.
إرسال تعليق