ഇന്ന് പിള്ളേളേരോണം.

ഇന്ന്  പിള്ളേളേരോണം

      ബാല്യകാലത്തിലെ ഉത്സവം ആയിട്ടാണ് 

പിള്ളേരോണം ആഘോഷിക്കപ്പെടുന്നത്. പൊന്നിൻ ചിങ്ങമാസത്തിലെ തിരുവോണത്തിന് തൊട്ടുമുമ്പ്, കർക്കിടക മാസത്തിലെ ഓണദിനമാണ് പിള്ളേരോണം.

        പ്രധാനമായും വടക്കൻ കേരളത്തിലാണ് ഈ ആഘോഷങ്ങൾക്ക് പ്രിയമേറുന്നത്.

പിള്ളേരോണം മുതൽ 27 ദിവസവും ഓണം ആഘോഷിച്ചിരുന്ന ഒരു കാലം നമുക്കുണ്ടായിരുന്നു. തെക്കൻ കേരളത്തിൽ തിരുവോണ ദിനം മുതൽ 27 ദിവസം വരെ ഉള്ള ദിനങ്ങൾ ആയിട്ടാണ് ആഘോഷിക്കപ്പെടുന്നത് .

       തൊടിയിൽ കുട്ടികൾക്കായി ഊഞ്ഞാൽ കെട്ടുന്നത് ഈ പിള്ളേരോണ ദിവസം മുതലാണ്. മുറ്റത്ത് പൂക്കളം ഒരുക്കിയും, സദ്യവട്ടങ്ങൾ ഒരുക്കിയും, പായസം വിളമ്പിയും പിള്ളേരോണത്തെ വരവേൽക്കുന്നു.

         കോവിഡ് പ്രതിസന്ധിയുടെ രണ്ടാം വർഷത്തിലും വീടുകൾ കേന്ദ്രീകരിച്ച് കുട്ടികൾക്ക് വേണ്ടി മുതിർന്നവർ പിള്ളേരോണം ആഘോഷിക്കപ്പെടാറുണ്ട്. തിരുവോണത്തിൻ്റെ വരവ് അറിയിക്കുന്ന ആഘോഷമായിട്ട് പിള്ളേരോണത്തെ കണക്കാക്കാം.