കേടായ ഫോണുകൾ റിപ്പയർ ചെയ്ത്, അർഹരായ കുട്ടികളിൽ എത്തിക്കുന്നു.

കേടായ ഫോണുകൾ റിപ്പയർ ചെയ്ത്, അർഹരായ കുട്ടികളിൽ എത്തിക്കുന്നു.

ആലുവ: സ്മാർട്ട് ഫോൺ ഇല്ലാത്തതിനാൽ ഓൺ ലൈൻ പഠനം സാധ്യമാകാത്ത വിദ്യാർത്ഥികളെ സഹായിക്കാൻ വേറിട്ട ഉദ്യമവുമായി ഒരു കൂട്ടം യുവാക്കൾ. പ്രവര്‍ത്തനക്ഷമമല്ലാത്ത ഫോണുകൾ ശേഖരിച്ച്, റിപ്പയർ ചെയ്ത് വിദ്യാർത്ഥികൾക്ക് വിതരണം ചെയ്യാനാണ് ഡ്രീം റൈഡേഴ്സ് ക്ലബ് എന്ന സംഘടനയുടെ നേതൃത്വത്തിൽ ഇവർ തയ്യാറെടുക്കുന്നത്.
      കോവിഡ് വ്യാപനത്തെത്തുടർന്ന് ഓൺ ലൈൻ ക്ലാസ്സുകൾ വ്യാപകമായ സാഹചര്യത്തിൽ വിദ്യാർത്ഥികളിൽ പലർക്കും ഇപ്പോഴും സ്മാർട്ട് ഫോണുകളില്ലെന്നത് ഒരു വെല്ലുവിളിയാണ്. പ്രവർത്തനക്ഷമമല്ലാത്ത ഫോണുകൾ നിരവധിപ്പേരുടെ കയ്യിലുണ്ട്. റിപ്പയർ ചെയ്യാനുള്ള മടി കൊണ്ട് വെറുതെ സൂക്ഷിച്ചിരിക്കുകയാണ്. ആ ഫോണുകൾ റിപ്പയർ ചെയ്ത്, പ്രവർത്തനക്ഷമമാക്കി കൈമാറാൻ സാധിച്ചാൽ നിരവധി കുട്ടികൾക്ക് സഹായകമാകുമെന്ന ചിന്തയാണു ഡ്രീം റൈഡേഴ്സ് ക്ലബിനെ ഇത്തരമൊരു പ്രവർത്തനത്തിലേക്ക് എത്തിച്ചത്. ഇതിനായി പതിനഞ്ചോളം ടെക്നീഷ്യന്‍മാരെ തയ്യാറാക്കി കഴിഞ്ഞു. 

      പഴയ ഫോണുകൾ കയ്യിലുണ്ടെങ്കിൽ അറിയിച്ചാൽ ഡ്രീം റൈഡേഴ്സ് ക്ലബ് അംഗങ്ങൾ വീട്ടിലെത്തി ശേഖരിക്കും. അല്ലെങ്കിൽ കൊറിയറായി അയച്ചു നൽകാം. ഇതു കൂടാതെ പുതിയ മൊബൈലുകള്‍ വാങ്ങി നൽകാൻ താൽപര്യപ്പെടുന്നവർക്ക് അതിനുള്ള അവസരവുമുണ്ട്.
      

ബന്ധപ്പെടേണ്ട നമ്പറുകൾ :-
8129234323
9567558886
9847161579

    കൊറിയർ ചെയ്യേണ്ട അഡ്രസ്സ് :-

Zain mobiles,
Bridge Road,
Bank Junction,
Aluva.
Near Najath Hospital
Pin 683 101